સૌ પ્રથમ ત્રણેય દાલ સરખાં ભાગે લઈ ને ૨ કલાક માટે પલાળી રાખી ને કુકર માં હળદર મીઠું અને ૧ ટમેટું નાખી ને પાણી રેડી ને ૪ થી ૫ સીટી વગાડી બાફી લો.

પછી કુકર થંડુ થાય એટલે દાલ ને સ્મેસર વડે ક્રશ કરી લો. હવે એક કડાઈ માં તેલ ગરમ કરવા મૂકો તેમાં જીરું હિંગ નો વઘાર કરી ને ડુંગળી આદું મરચાં લસણની પેસ્ટ, તમાલપત્ર લીમડો નાખી ને ફ્રાય કરી લો.

બધું ફ્રાય થાય એટલે બધાં મસાલા નાખી બાફેલી દાલ ઉમેરી દો. ૧૦ મિનીટ ઉકાળો.છેલ્લે ૧ ચમચી ઘી અને કોથમીર નાખી દો. તૈયાર છે દાલ બાટી ની દાલ 👍

બાટી માટે એક મોટા વાસણ માં ઘઉં નો લોટ લઈ તેમાં બેકિંગ પાઉડર,ઘી અને મીઠું નાખી ને મુઠી પડતું મોણ નાખી ને કઠણ લોટ બાંધી લો.

લોટ ને થોડી વાર ઢાંકી દો. પછી તેનાં ગોળ લુઆ કરી ઉપર ૨ કાપા કરી દો. હવે એક અપ્પમ ની લોઢી લઈ ને ગેસ પર ધીમાં તાપે ગરમ કરવા મૂકો તેમાં બધી બાટી ને આગળ પાછળ ઘી ચોપડી ને ધીમાં તાપે શેકી લો.

થઈ ગયેલી બાટી ને ઘી માં ડીપ કરી લો. તૈયાર છે બાટી

ચુરમું બનાવવાં માટે તૈયાર કરેલી બાટી ને મિક્સર માં ક્રશ કરી ને ચુરો બનાવી ને એક કડાઈ માં સરખું ઘી મુકી ને ગેસ પર ૨ મિનીટ માટે હલાવી લો. તેમાં ડ્રાયફ્રુટ નાખી ને દળેલી ખાંડ ને ઇલાયચી જાયફળ પાઉડર મિક્સ કરી દો. તૈયાર છે ચુરમું

તો તૈયાર છે રાજસ્થાનની ફેમસ ડીશ દાલ બાટી ચુરમા 👌🏻😋👍🤝🤗