સૌ પહેલા બધી દાલ મિક્સ કરી કુકર માં 4 સીટી એ બાફી લો.

હવે ટામેટા, ફુંગળી સમારી મિક્સર માં ગ્રેવી કરી લો.

દાલ બફાય જાય એટલે એક નોનસ્ટિક પેન માં વઘાર માટે તેલ મૂકો

તેલ આવી જાય એટલે રાઈ, જીરું, તમાલપત્ર, સૂકા મરચા, હિંગ, આદુ, લસણ, મરચા ની પેસ્ટ, અને ગ્રેવી નાખો.

બધું બરાબર મિક્સ કરી 2મિનિટ મસાલો ચડવા દો.

હવે તેમાં મરચું, હળદર, ધાણાજીરું, નમક, ગરમ મસાલો, અને દાલ ઉમેરો.

2 ગ્લાસ પાણી નાખી 5 મિનિટ ચડવા દો, તૈયાર છે,આપણી દાલ, કોથમીર નાખી ગાર્નીસ કરો.

હવે આપણે બાટી બનાવીશુ. એક બાઉલ માં ઘઉં નો લોટ,રવા નો લોટ લઈ તેમાં અડધો કપ ઘી,અજમો, નમક,ચપટી ખાવા ના સોડા, નાખી ગરમ હુંફાળા પાણી થી પરાઠા જેવો લોટ બાધીશુ.

લોટ બંધાય જાય એટલે એકસરખા માપ ના તેમાંથી લુવા કરી લેવા. આ લોટ ના માપ માં થી 6 થી 7 બાટી બનશે.

લુવા તૈયાર થઇ જાય એટલે ગોળ વાટકી જેવો શેપ આપી ઉપર થી લોટ ભેગો કરી બંધ કરી દેવું. એટલે ગોળ રાઉન્ડ શેપ માં બાટી બની જશે.આ રીતે બાટી બનાવવા થી બાટી અંદર થી સોફ્ટ બનશે અને ફૂલશે.અને અંદર થી બાટી ચડી જશે કાચી પણ નહિ રહે.

આ રીતે બધી બાટી થઈ જાય એટલે આંગળી થી બાટી માં વચ્ચે ગોળ રાઉન્ડ કરી દેવું.

હવે ગેસ પર કડાઈ માં તળિયે નીચે રેતી નાખી સ્ટેન્ડ મૂકી 15 મિનિટ રેતી તપવા દો. 15 મિનિટ પછી એલ્યૂમિનિયમ ની થાળી માં ઘી લગાડી બાટી વચ્ચે જગ્યા રાખી ગોઠવી દો.

હવે ગેસ પર મીડીયમ તાપે બધી બાટી 25 થી 30 મિનિટ શેકાવા દો.એક સાઈડ શેકાય જાય પછી પલટાવી દો. અને એ જ રીતે બીજી સાઈડ પણ શેકી લો. વચ્ચે ચપ્પુ નાખી જોઈ લેવું બાટી શેકાય ગઈ છે કે નઈ. આ રીતે ઓવેન માં પણ બાટી બનાવી શકાય.

બાટી બની જાય એટલે ઘી માં બાટી બોળી દેવાની. અને બાટી માં વચ્ચે ગોળ રાઉન્ડ માં થીજેલું ઘી રેડી દેવું. તૈયાર છે આપણી બાટી.