પ્યુરી બનાવા માટે- એક પેનમાં તેલ, બટર નાખી તેમાં જીરૂં, તજ,ઇલાયચી, મરી નાખી ને હલાવી લો. પછી તેમાં ડુંગળી, લસણ, લીલા મરચા, કાજુ નાખી ને કલર બદલી જાય ત્યાં સુધી થવા દેવાનું.

ત્યારબાદ તેમાં ટામેટાં નાખી ને સોફ્ટ થાય ત્યાં સુધી થવા દેવાનું. તેમાં બધા મસાલા નાખી મિક્સ કરી અને થોડું પાણી અને મીઠું નાખીને મિક્સ કરી લો. પછી ગેસ બંધ કરી ઠંડુ થવા દેવાનું ઠંડુ થઈ જાય પછી મિક્સર જાર માં નાખી ને પ્યુરી તૈયાર કરી લેવાની.

કોફતા બનાવા માટે- એક બાઉલમાં બટાકા, પનીર,લીલા મરચા અને બધા મસાલા નાંખી મિક્સ કરી લેવાનું પછી કોનૅ ફલાવર મીઠું કોથમીર નાખીને મિક્સ કરી લેવાનું.

ત્યારબાદ બધા કોફતા વાળી લેવાના. પછી એક પેનમાં તેલ મુકી તેલ ગરમ થાય એટલે કોફતા નાખી ને મધ્યમ આંચ ઉપર ગોલ્ડન બ્રાઉન તળી લેવાના.

ગ્રેવી માટે- એક પેનમાં તેલ,અને બટર ગરમ થાય એટલે તમાલપત્ર, કશ્મીરી લાલ મરચાનો ભુકો નાખી ને મિક્સ કરી લેવાનું. ડુંગળી ટામેટાં ની પ્યુરી મીઠું નાખી મિક્સ કરી લો. તેલ છુટું પડે ત્યાં સુધી હલાવાનુ. પછી ગરમ મસાલો મલાઈ નાખી ને બરાબર મિક્સ કરી લેવાનું. તેને ઢાંકી ને ઉકળવા દેવાનું થઈ જાય એટલે કસુરી મેથી કોથમીર નાખી ને સર્વ કરો.

સર્વ કરવા ટાઈમે તેમાં કોફતા અને કોથમીર નાખી ને સર્વ કરો.તૈયાર છે મલાઈ કોફતા.