ઢોસા નું ખીરું બનાવવા માટે ચોખા, અડદ ની દાળ અને મેથીને ને ધોઈ ને ૩-૪ કલાક સુધી પલાળી રાખવા. પછી તેને દહીં નાખીને મિક્સર માં બરાબર પીસી લેવા. પછી તેને હૂંફાળી જગ્યામાં આથો લાવવા ૬-૮ કલાક માટે ઢાંકી ને મૂકવુ. પછી આપણું ઢોસા નું ખીરું તૈયાર છે.

ઢોસા નો મસાલો બનાવવા માટે એક પેનમાં તેલ મૂકી તેલ ગરમ થાય એટલે તેમાં લીમડાના પાન અને ડુંગળી નો વઘાર કરી પછી ડુંગળી સતડાય જાય એટલે તેમાં બાફેલા વટાણા બટાકા ને ઉમેરી ને બધો સૂકો મસાલો નાખી ને મિક્સ કરી લેવું. હવે મસાલો તૈયાર છે ઉપર થી કોથમીર ઉમેરી દેવી.

હવે ઢોસા બનાવવા માટે ખીરા માં મીઠું નાખીને મિક્સ કરી લેવું. નોન સ્ટીક તવા ને ગરમ કરવા મૂકવું પછી તેમાં ઢોસા નું ખીરું પાથરી ગોળ ગોળ ફેરવીને ફેલાવવુ પછી તેમાં મસાલો મૂકીને ઢોસા બન્ને બાજુ ચોડવી ને ઢોસો ઉતારી લેવો.

તૈયાર છે મસાલા ઢોસા તેને ગરમા ગરમ સર્વ કરી આનંદ માણો.