સૌપ્રથમ ઘઉંના લોટમાં તેલનું મોણ અને મીઠું નાખી લોટ બાંધી લો. લોટ ને દસ મિનિટ રહેવા દઇ તેમાંથી બે પડવાળી રોટલી વણી લ્યો. હવે તેને બંને બાજુ એ જ કાચી-પાકી શેકી લ્યો

સ્ટફિંગ બનાવવા માટે બટેટાને બાફી અને છૂંદો બોલાવી લો. ડુંગળીને પણ ઝીણી સમારી લો. બેથી ત્રણ ચમચી ઘઉંનો લોટ લઇ તેમાં થોડું પાણી ઉમેરી પેસ્ટ તૈયાર કરો

એક પેનમાં તેલ નો વઘાર મૂકી સૌપ્રથમ તેમાં આદુ મરચાની પેસ્ટ જીરું અને ડુંગળી નાખી સાંતળી લો. ડુંગળી બદામી રંગની થાય એટલે તેમાં બટાકા નાખી અને બધો જ મસાલો કરી લો

સ્ટફિંગ ને પણ દસ મિનિટ રહેવા દઇ ઠંડુ પડવા દયો. રોટલીના બંને છૂટા પડમાંથી ચાર પિસ થશે. તેના એક ભાગમાંથી રોટલીના પકવેલા ભાગને અંદર રાખી કોણ જેવો આકારો આપો અને તેને ઘઉંના લોટમાંથી બનાવેલી પેસ્ટ થી પેક કરી દ્યો

તૈયાર કરેલા સમોસા ને ગરમ તેલમાં તળી લો. આ સમોસા માં તેલ પણ ઓછું જોશે અને તળાતા પણ બહુ વાર લાગશે નહીં.

ગરમા-ગરમ સમોસાને કોથમીર ફુદીના મરચાં ની લીલી ચટણી તથા લસણની ચટણી સાથે સર્વ કરો