કારેલા ની છાલ ને ધોઈ ને મીઠું લગાવી ૧૦ મિનિટ બાજુ માં રાખો.પછી તેમાં થી પાણી નીચોવી ઉકળતા પાણીમાં નાખી ને બહાર કાઢી લઈ ઠંડી થાય એટલે મિક્ષચર જાર માં કાઢી તેમાં ગોળ,દહીં,મીઠું,હળદર,આદુ-મરચાં ની પેસ્ટ ઉમેરી કર્શ કરી લો.

હવે,ઘઉં અને ચણા ના લોટ ને બાઉલમાં મિક્સ કરી,તેલ નું મોણ દહીં તેમાં બનાવેલી કારેલા ની પેસ્ટ ઉમેરી મિક્સ કરી થોડું થોડું પાણી ઉમેરી લોટ બાંધવો ને થોડીવાર માટે રાખી મૂકો.

ત્યારબાદ ઢોકળિયાં માં પાણી મુકી ગરમ કરવા રાખી ને ડીશ ને તેલ લગાવીને ઢોકળિયાં માં મૂકો.

લોટ મસળી ને મુઠીયા મનપસંદ આકાર આપી ને વરાળ થી બાફી લો.ઠંડા પડે એટલે કાપી ને રાખો.

કઢાઈ માં તેલ ગરમ કરી તેમાં રાઈ તતડે એટલે હીંગ ને લીલા મરચાં ના કટકા ને તલ ઉમેરી હલાવીને કાપેલાં મુઠીયા ઉમેરી હલાવીને કડક થવા દો...તૈયાર છે "કારેલા ની છાલ ના મુઠીયા".

મોજ થી આરોગી શકાય.