સૌપ્રથમ એક બાઉલમાં ઢોકળા નો લોટ દહીં અને પાણી ઉમેરીને ખીરૂ તૈયાર કરો. તેને સાતથી આઠ કલાક માટે આથો આવવા માટે મૂકી રાખો. ત્યારબાદ ઢોકળાના ખીરામાં છીણેલી દૂધી, ક્રશ કરેલા લીલા મરચા આદુ અને લસણ, હળદર, મીઠું અને જરૂર મુજબ પાણી ઉમેરીને ખીરૂ તૈયાર કરો.

હવે સ્ટીમ કૂકરમાં પાણી ભરીને સ્ટીમ થવા મૂકી દો.ત્યારબાદ થાળીને તેલથી ગ્રીસ કરી લો.હવે ખીરામાં ઈનો અને એક ચમચી પાણી ઉમેરીને બરાબર હલાવી દો. હવે ગ્રીસ કરેલી થાળી માં ખીરું પાથરી ઉપરથી લાલ મરચું ભભરાવી 15 મિનિટ માટે સ્ટીમ થવા મૂકી દો.

ત્યારબાદ ઢોકળાંની થાળીને
બહાર કાઢી તેને ચપ્પાથી કાપા પાડી લો. આપણા દૂધીના ઢોકળા તૈયાર છે.તેને એક ડીશમાં લઈ લસણની ચટણી સાથે સર્વ કરો.