સૌ પ્રથમ ઢોકળી બનાવવા માટે એક બાઉલ લોટ લો.તેમાં ઉપર મુજબ ના બધા મસાલા કરો.ત્યાર બાદ તેમાં દહીં અને પાણી ઉમેરી બરાબર મિક્સ કરો અને એક ઢોકળા જેવું ખીરું તૈયાર કરો.હવે એક કડાઈમાં પાણી ગરમ કરો.તેમાં એક સ્ટેન્ડ મૂકી અને એક પ્લેટ મૂકો.તેમાં તેલ લગાવી અને બનાવેલું ખીરું રેડો.તેને ૫ થી ૭ મિનિટ થવા દો. ઢોકળી તૈયાર થાય એટલે તેને નીચે ઉતારી લો.હવે તેમાં કાપા પાડી લો.

હવે એક કડાઈ ગેસ ઉપર ગરમ કરો.તેમાં તેલ નાખો.તેલ ગરમ થાય એટલે તેમાં રાઈ અને હિંગ નાખો.ત્યાર બાદ તેમાં દહીં અને પાણી નાખો.હવે તેમાં બધા મસાલા કરો.થોડી વાર ઉકળવા દો.તેમાં સમારેલું લસણ નાખો.હવે તેમાં કાપા પાડેલી ઢોકળી ઉમેરી દો.તેમાંથી બે - ત્રણ ઢોકળી નો ભૂકો કરી લો અને તેને ઉકળતી ઢોકળી વાળા મિશ્રણ મા નાખો.એટલે રસો થોડો જાડો થશે અને ટેસ્ટ પણ સારો આવશે.

હવે તેને પાંચ મિનિટ માટે ઉકળવા દો.તેલ ઉપર આવે એટલે તેને નીચે ઉતારી લો.હવે તેને એક બાઉલ માં કાઢી ને સર્વ કરો.

તો તૈયાર છે ટેસ્ટી ઢોકળી નું શાક.આ શાક સરસ લાગે છે.