સૌ પ્રથમ એક તપેલી માં પાણી ગરમ મૂકી ઉકળે એટલે તેમાં મીઠું અને તેલ ઉમેરી એલબો મેક્રોની ઉમેરી તેને ૯૦℅ જેવી ચડવા દો. ૧૦-૧૨ મિનિટ માં તે ચડી જાય એટલે તેને ચારણી માં કાઢી ઉપર ઠંડુ પાણી રેડવું પછી તેમાં તેલ નાંખી હલાવી ને સાઈડ પર રાખવી.

એક નોનસ્ટિક પેન માં બટર લઈ ગરમ થાય એટલે તેમાં મેંદો ઉમેરી હલાવી તેને ગુલાબી કલર નો શેકવો, શેકાઈ જય એટલે તેમાં દૂધ ઉમેરી સતત હલાવતા રહેવું જેથી તેમાં ગઠ્ઠા ન પડે.

પછી તેમાં પ્રોસેસ ચીઝ ઉમેરી હલાવતા રેહવું મિશ્રણ થોડું ઘટ્ટ થાય પછી તેમાં મીઠું,મરી પાવડર અને ખાંડ ઉમેરી હલાવી ૨ મિનિટ થવા દો.

તો તૈયાર છે વ્હાઇટ સોસ તેમાં બાફેલી મેક્રોની ઉમેરી હલાવી મીક્સ કરી લેવી.

એક ઓવન પ્રુફ ટ્રે માં ઉપર તૈયાર કરેલ વ્હાઇટ સોસ ને મેક્રોની વાળું મિશ્રણ ને તેમાં નાંખી ઉપર મોઝરેલા અને થોડું પ્રોસેસ ચીઝ બધે પાથરી તેને પ્રિહીટેડ ઓવન માં ૧૬૦°સે.પર ૧૫ મિનિટ માટે બેક કરવા મૂકવું. ઉપર નું ચીઝ મેલ્ટ થઈ થોડું બ્રાઉન થાય પછી તેને બહાર કાઢી લેવી.

તો તૈયાર છે બેકડ મેક્રોની વીથ ચીઝ તેને ગરમ ગરમ ટોમેટો કેચપ સાથે સર્વ કરવી.