સૌપ્રથમ કાબુલી ચણાને આખી રાત પાણીમાં પલાળી રાખો.પછી બીજે દિવસે કુકરમાં પલાળેલા ચણા, મીઠું અને ત્રણ કપ પાણી રેડી ધીમા તાપે ચાર સીટી વગાડી ને બાફી લો.

હવે પેનમાં તેલ લઈ તેમાં તજ, લવિંગ, શીંગદાણા,મગજતરી ના બી,ટામેટા, ડુંગળી એડ કરી દસ મિનિટ ધીમા તાપે ઢાંકીને શેકી લો. પછી તેને ઠંડુ થવા દો. હવે તેને મિક્સર જારમાં ક્રશ કરી લો.

એક કઢાઈમાં તેલ મૂકી તેલ ગરમ થાય એટલે તેમાં જે પેસ્ટ બનાવી છે તે એડ કરી મીઠું,હળદર,નાખી ઢાંકણ ઢાંકી પાંચ મિનિટ ચડવા દો.વચ્ચે-વચ્ચે હલાવતા જાવ. હવે તેલ છુટું પડી ગયું છે. એટલે તેમાં બધા જ મસાલા એડ કરી, બાફેલા ચણા એડ કરી, થોડું પાણી રેડી હલાવી ઢાંકણ ઢાંકી પાંચ મિનિટ થવા દો. હવે બધા મસાલા સરસ મિક્સ થઈ ગયા છે. ગેસ બંધ કરી દો.