સૌપ્રથમ બાઉલમાં જુવાર નો લોટ,ચણા નો લોટ, રવો ને તેમાં દહીં ઉમેરી ને હલાવી ને થોડું પાણી ઉમેરી ને હલાવી તેને ઢાંકણ ઢાંકી ને ૨૦ મિનિટ માટે બાજુ પર રાખો.

૨૦ મિનિટ પછી તેમાં થોડું થોડું પાણી ઉમેરી ને હલાવી સરસ ખીરું તૈયાર કરો,હવે તેમાં આદુ-મરચાં ની પેસ્ટ,હળદર,સ્વાદ મુજબ મીઠું,લીમડાનાં પાન ઝીણાં સમારેલા,તલ નું તેલ ઉમેરી સરસ હલાવી લો. અલગ વઘારિયા માં તેલ,રાઈ,જીરું, હીંગ,કાપેલાં લીમડાનાં પાન,તલ ઉમેરી સરસ વઘાર કરીને ખીરા ના બાઉલ માં ઉમેરી ભેળવી લો.

પછી ખીરા માં ઈનો ઉમેરી ઉપરથી ૩ ચમચી પાણી ઉમેરી સરસ હલાવી ને પહેલે થી ગરમ કરેલ પેન માં તેલ ઉમેરી ને ખીરું ઉમેરી ધીમાં તાપે થવા દો પછી હળવેકથી ઉલટાવી દો ને ચડવા દો,સરસ બન્ને બાજુ સરસ પડ થઈ જાય એટલે ગેસ બંધ કરી સીજવા દેવું.

પછી મનગમતા આકાર ના મોલ્ડ લઈ તે આકાર માં કાપી લો ને ઉપર થી તેલ અને તલ લગાવી ગરમાગરમ ટોમેટો કેચપ સાથે આરોગો.