સૌપ્રથમ બટેટાને સારી રીતે ધોઈ છાલ ઉતારી બટેટાની લાંબી અને સહેજ જાડી ચિપ્સ કરો.પછી ચિપ્સને બે વાર પાણીથી ધોઈ લો.અને બરફના પાણીમાં પલાળી લો.

ત્યારબાદ ચીપ્સને એક કોટનના કપડાં પર નિતારીને કાઢી ડ્રાય કરવા મૂકો.એક બાઉલમાં કોર્નફ્લોર,મેંદો,મીઠું અને મરી પાઉડર મિક્સ કરી તેમાં ચિપ્સ ઉમેરો.કોર્નફ્લોરનું કોટિંગ થઇ જાય એ રીતે ચીપ્સને રગદોળો.

પછી એક કડાઈમાં તેલ ગરમ મુકો તેલ ખૂબ ગરમ થાય પછી ચિપ્સને એક એક કરી ને તેલમાં ઝડપથી ઉમેરો જેથી છુટ્ટી રહે અને બધી એક સરખી તળાય.
ગોલ્ડન ક્રીશ્પી થાય ત્યાં સુધી ચિપ્સ તળો પછી પ્લેટમાં કાઢી લ્યો,

હવે 1 બાઉલ માં ૧ નાની ચમચી કોર્ન ફ્લોર, કેચપ,બંને ચિલીસોસ,સોયા સોસ
લાલ મરચું પાઉડર થોડું પાણી નાખી મિક્સ કરી પાતળી પેસ્ટ તૈય્યાર કરો
કડાઈમાં 2 ચમચી તેલ ગરમ કરો તેમાં લસણ, આદું, મરચા, ટમેટાની પ્યુરી
સાંતળો.ડુંગળી કેપ્સિકમ ઉમેરી ફાસ્ટ ગેસ રાખી થોડુંક જ સોતે કરો. બહુ સાતળવાનું નથી. ત્યારબાદ તેમાં તળેલ ચિપ્સ અને તૈય્યાર કરેલ પેસ્ટ ઉમેરી હલાવી લો.બધુ બરાબર મિક્સ થઇ જાય એટલે ગેસ બંધ કરી દો.