સૌપ્રથમ એક બાઉલમાં રવો, દહીં અને પાણી ઉમેરીને ખીરૂ તૈયાર કરો. તેને દસથી પંદર મિનિટ રેસ્ટ આપો. ત્યારબાદ ખીરામાં દુધી,કોબી, ગાજર, ક્રશ કરેલા લીલા મરચા,લસણ,લાલ મરચું,હળદર, ધાણાજીરું,ખાંડ, ગરમ મસાલો,કોથમીર અને મીઠું ઉમેરીને બરાબર મિક્ષ કરી લો. ત્યારબાદ તેમાં ખાવાનો સોડા ઉમેરી જરૂર પુરતું પાણી ઉમેરી ને બરોબર હલાવી ને ખીરું તૈયાર કરો.

ત્યારબાદ પેનમાં બે ચમચી તેલ મૂકો. તેલ ગરમ થાય એટલે રાઈ, તલ, લીમડો, હિંગ અને લાલ મરચુ ઉમેરીને ખીરું પાથરી દો. ત્યારબાદ તેને પાંચથી સાત મિનિટ ધીમા તાપે થવા દો.

ત્યારબાદ તેને બીજી બાજુ ઉથલાવીને પાંચથી સાત મિનિટ થવા દો.આપણો રવા હાંડવો તૈયાર છે. તેને એક પ્લેટમાં લઈ ગ્રીન ચટણી અને સીંગતેલ જોડે સર્વ કરો.