સૌ પ્રથમ ફટકડીનો ઉપયોગ કરીને માવો તૈયાર કરવાનો છે. તો સૌથી પહેલા જાડા તળિયા વાળી કડાઈ લઇ તેમાં દૂધ એડ કરો. ગેસ ચાલુ કરી દૂધ ને 3-4 મીનીટ ગરમ થવા દો. એક ઉભરો આવે, પછી તેમાં 1/2ખાંડ ઉમેરી દો.

ખાંડ ઉમેર્યા પછી દૂધ ને 5 મિનિટ માટે ઉકાળો. 5 મિનિટ પછી દૂધ સારી રીતે ઉકળે એટલે તેમાં ફટકડીનો પાઉડર ઉમેરો. ફટકડીનો પાઉડર એડ કર્યા પછી 2-3 મિનિટ માં દૂધ ફાટવા લાગશે. ફટકડીનો પાઉડર ઉમેર્યા પછી સતત દૂધને હલાવતા રહેવાનું છે. કડાઈમાં દૂધ 1/2 બળી જાય ત્યાં સુધી હલાવતા રહો.લગભગ 10 મિનિટ જેટલો સમય લાગશે.

હવે થાબડી પેંડા માટે ચાસણી તૈયાર કરવાની છે. ચાસણી તૈયાર કરવા માટે બીજા ગેસ પર એકદમ ધીમા તાપે એક પેન માં વધેલી ખાંડ ઉમેરો. એક થી બે મિનિટ માં ખાંડ મેલ્ટ થવા લાગશે. ખાંડ ઓગળીને બ્રાઉન કલર થાય એટલે સમજી જવું કે તમારી ચાસણી બરાબર થઇ ગઈ છે.
ધ્યાન રાખવું કે ખાંડ બળી ન જાય. હવે ચાસણીને દૂધના મિશ્રણ માં ઉમેરો. અહીંયા એ વાત નું ધ્યાન રાખવું કે જયારે તમે ચાસણી ઉમેરશો ત્યારે તેમાં બબલ્સ આવવા લાગશે તો ફટાફટ મિશ્રણ હલાવવાનું શરુ કરી દેવું. 5-7 મિનિટ સુધી હલાવવાનું ચાલુ રાખશો એટલે તમારું મિશ્રણ ઘટ્ટ થઇ જશે.

બધું પાણી બળી જાય અને ઘી છુટ્ટુ પડવા લાગે ત્યાં સુધી ફૂલ ગેસ પર હલાવતા રહો. બધું પાણી બળી જાય એટલે જો તમને મિશ્રણ માં કણીઓ દેખાતી હોય તો તમે થોડું ઘી ઉમેરી મસળી લેવું.

હવે મિશ્રણ ને નીચે ઉતારી 5 મિનિટ માટે ઠંડુ થવા દો. મિશ્રણ થોડું ગરમ હોય એટલે તેને હાથમાં લઇ મિશ્રણ ને ગોળ વાળી લો. ગોળ વાળ્યા પછી તેને ઉપર થી પ્રેસ કરી દો અને પેંડા નો આકાર આપી દો.થાળીમાં ઠારી ને પણ ચોરસ ટુકડા કરી શકાય,