સૌ પ્રથમ એક તપેલી માં ઘી ગરમ કરો.
કાજુને એક મિનિટ માટે સેકી ભૂકો કરી લ્યો,મિક્સર એકધારું ના ચલાવવું,બે બે સેકન્ડ ઓન ઑફ કરી ને ફેરવવું જેથી તેલ ના છૂટે અને ભૂકો કરકરો,કોરો રહે..

હવે એક નોન સ્ટીક અથવા જાડા તળિયા વાળી કડાઈ લો.તેમાં કાજુ નો ભૂકો,ખાંડ,અને પાણી લઈ ને મિક્સ કરો.કડાઈ ને ગેસ ઉપર નથી મૂકવાની.હવે તેમાં ગરમ કરેલા ઘી માંથી 1/2 ઘી ઉમેરી દો.ત્યાર બાદ બધું બરાબર હલાવી ને મિક્ષ કરી દો.બધું મિશ્રણ એકરસ થઈ જવું જોઈએ.

ત્યાર બાદ મિશ્રણ વાળી કડાઈ ને ધીમા ગેસ ઉપર ઉપર મૂકો.તેને સતત એક જ દિશા મા હલાવતા રહો.થોડું સેકાઈ અને ફૂલે એટલે તેમાં વધેલા ઘી માંથી એક ટેબલ સ્પૂન ઘી ઉમેરો અને સતત હલાવતા રહો.જ્યાં સુધી નાખેલું ઘી એબસોર્બ ન થાય ત્યાં સુધી બીજી વાર ઘી ઉમેરવા નું નથી.તમે ઘી નાખશો એટલે મિશ્રણ થોડું હળવું થશે અને ફૂલશે.

ત્યાર બાદ પાછું ઘી ઉમેરો.આવી રીતે વધેલું બધું ઘી ઉમેરતા જવું અને હલાવતા જવું.ધીમે ધીમે મિશ્રણ નો થોડો કલર બદલાશે.હવે મિશ્રણ જેમ હલાવતા જસો તેમ તેમાં થી ઘી છૂટું પડવા લાગશે અને મિશ્રણ બધું ભેગું થઈ જશે. જાળી પણ સરસ પડશે.આવું થાય એટલે મિશ્રણ ને ગ્રીસ કરેલા વાસણ મા નાખી દેવું.તેને તવેથા થી દબાવી ને પાથરવા નું નથી.તેની મેળે જ પથરાશે
નોંધ : ઘી જ્યારે નાખો ત્યારે વધારે ગરમ જ હોવું જોઈએ.જો ઘી ઓછું ગરમ હશે તો પણ તેમાં જાળી પડશે નહિ.