સૌ પ્રથમ બધા શાક ને સારી રીતે સાફ કરી, સાફ પાણી થી ધોઈ લેવાં. અને સમારીને પાણી માં ડુબોળી રાખવાં. જેથી કાળા ના પડે. આદું - મરચાં - લસણ ને ક્રશ્ડ કરી લેવાં.

ગેસ પર કુકર ચઢાવવું. તેમાં તેલ નાખી ગરમ કરવું.ગરમ તેલ માં આખો ગરમ મસાલો અને રાઈ, જીરું, વરિયાળી નાખી, વઘાર કરવો. હવે તેમાં સમારેલી ડુંગળી એડ કરવી. તેને 2 મિનિટ સાંતળવું. ડુંગળી થોડી નરમ થાય, એટલે સમારેલાં ટામેટાં ઉમેરવાં. અને તેને પણ સાંતળવું.

હવે સૂકા મસાલા પાઉડર ઉમેરવાં. ક્રશ્ડ કરેલો મસાલો ઉમેરવો. અને સારી રીતે 2-4 મિનિટ સાંતળવું. મસાલો સરસ રીતે સંતળાઈ જાય અને તેલ છૂટું પડે ત્યાં સુધી સરસ સાંતળવું.

મસાલા માંથી તેલ છૂટું પડે એટલે સમારેલાં શાક ઉમેરવાં. તેને હલાવી, મસાલા માં મિક્સ કરવું. ઢાંકી ને 2 મિનિટ જેવું કુક થવા દેવું. સીટી લગાવવી નહીં. રીંગ જરૂર લગાવી રાખવી.

સેર્વિંગ બૉઉલ માં કાઢી, સમારેલી કોથમીર થી ગાર્નિશ કરવું. ગરમાગરમ રોટલી કે ફુલ્કા સાથે પીરસવું. ઉપરથી થોડો લીંબુ રસ પણ ઉમેરી શકાય. સરસ ટેસ્ટ લાગે છે. 👌😍 તો તૈયાર છે. કુકર માં બનાવેલું....

"બટાકાં-વટાણા-ફ્લાવર-ગાજર નું શાક"
*************************🥰