સૌપ્રથમ દૂધીને છાલ કાઢીને તેને ધોઈ નાખો અને પછી તેને છીણી લો. હવે કડાઈમાં તેમાં દૂધી ની છીણ નાખીને હલાવો.

દુધીની છીણ નાખ્યા પછી ધીમા તાપે ચાર થી પાંચ મિનીટ સુધી પકાવો. પછી તેમાં મલાઈવાળું દૂધ, મલાઈ ઉમેરો અને ફરીથી બરાબર હલાવી નાખો અને ધીમા તાપે પાકવા દો.

હવે તેમાં બે ચમચી મિલ્ક પાઉડર ઉમેરો અને હલાવીને ધીમે તાપે ઉકળવા દો. હવે દૂધ ઘટ્ટ થવા લાગશે અને ઉકળી -ઉકળીને ઓછું પણ થઈ જશે.

પછી તેમાં ખાંડ ઉમેરો અને હલાવો. હલવાને ધીમે તાપે વારંવાર હલાવતા રહેવું જેથી નીચેથી દાજી ન જાય તે ધ્યાન રાખવું.

પંદરથી વીસ મિનિટ પછી ખાંડમાંથી છૂટેલું પાણી અને દૂધ પણ બધું સુકાઇ જાય છે અને હલવાનું મિશ્રણ એકદમ ઘટ્ટ અને ડ્રાય થઈ જશે તમે નીચે ચિત્રમાં જોઈ શકો છો.

દુધીનો હલવો બનીને તૈયાર છે. તેને બદામથી સજાવી પીરસો.તેને તમે તમારી મનપસંદ પ્રમાણે ગરમ પણ ખાઇ શકો છો અને ઠંડો કરીને પણ ખાઈ શકો છો.બંને રીતે ખૂબ જ સ્વાદિષ્ટ લાગે છે.