એક બાઉલમાં ઘઉંનો લોટ લો. પછી તેમાં હળદર,મરચું પાઉડર, મીઠું અને ૩ ચમચી તેલ મોણ ઉમેરી બરાબર મિક્સ કરીને પછી તેમાં જરૂર મુજબ પાણી ઉમેરી પુરીનો કઠણ લોટ બાંધી લો પછી તેને દસ મિનિટ સુધી ઢાકી ને રાખી દો.

હવે દસ મિનિટ પછી લોટને થોડુ તેલ લગાવી બરાબર મસળી તેના લુઆ બનાવીને તેની નાની પૂરી વણી લો.

ત્યાર પછી કઢાઈમાં તેલ ગરમ કરી તેમાં પૂરી ને તળી લો.

બટેટાનું શાક બનાવવા માટે કુકરમાં તેલ ગરમ કરી તેમા રાઈ,જીરું,હિંગ ઉમેરી પછી તેમાં બટાકા ઉમેરી પછી તેમાં હળદર અને મીઠું નાખી તેમાં બે-ત્રણ મિનિટ સુધી તેલમા ચડવા દો.

તે પછી તેમાં લાલ મરચું પાઉડર અને ધાણાજીરું ઉમેરી બરાબર મિક્સ કરી લો.પછી તેમાં જરૂર મુજબ પાણી ઉમેરી જ4,5 સીટી વગાડી લો.

તૈયાર છે મસાલા પૂરી અને બટેટાનું શાક