સૌપ્રથમ એક વાટકી માં દહીં અને લીંબુનો રસ મીકસ કરી સાઈડમાં રાખી દો. હવે એક પેનમાં દૂધ ગરમ મુકો.એક ઉભરો આવે એટલે દહીં વાળું મીશ્રણ ધીમે ધીમે ઉમેરો. ગેસ ની ફ્લેમ ધીમી જ રાખવી.

બધું જ દૂધ ફાટી જાય એટલે ગેસ બંધ કરી ચાળણીમાં સફેદ કોટનના કાપડ માં કાઢી ઉપર થી થોડું ઠંડુ પાણી ઉમેરી બધું પાણી નીચોવી 1/2 કલાક માટે આ પોટલી લટકાવી દો. બાદ માં આ મીશ્રણ એક થાળીમાં લઈ લો અને હથેળી વડે ખૂબ જ મસળી લો.

એકદમ સ્મુથ મીશ્રણ તૈયાર થઈ જાશે બાદ તેના એકસરખા નાના નાના ગોળા વાળી લો.આ પનીર મસળવા નું ચાલુ કરીએ તે પહેલાં જ એક અન્ય પેનમાં ખાંડ લઈ તેમાં પાણી ઉમેરો અને ગરમ થવા દો.

હવે ચાસણી ઉકળવા લાગે એટલે બધાં જ ગોળા ઉમેરી ઢાંકી ને ૧૦ થી ૧૨ મીનીટ મીડીયમ તાપે થવા દો. હવે ઢાંકણ ખોલી બધા રસગુલ્લા પલટાવી ફરી ૪ થી ૫ મીનીટ ખુલ્લું જ થવા દો.

બાદ ઠંડા કરી સર્વ કરો. તૈયાર છે રસગુલ્લા.😋😋😋😋