એક થાળીમાં લોટને ચાળી લો. પછી તેમાં મીઠું અને થોડું થોડું પાણી ઉમેરી ખૂબ મસળીને કણક તૈયાર કરી લો.

તૈયાર કરેલ કણકમાંથી લૂઓ લઈ કિનારીથી સહેજ દબાવી બંને બાજુ કોરો લોટ ભભરાવી હાથની મદદથી રોટલો થેપી લો.

હવે, ગરમ તવી પર બનાવેલ રોટલો નાખો, રોટલાને તવી પર મૂકી તરત જ ઉપર પાણીનો હાથ ફેરવવો, જેથી રોટલામાં તડ ના પડે. રોટલા પરની ભીનાશ સહેજ ઓછી થાય એટલે તવેતાથી તરત ઉથલાવી નાખો.

ઉથલાવીને થોડીવાર પછી બીજી બાજુ ગેસ પર શેકવા મૂકો. આમ કરવાથી તરત જ રોટલો તરત જ ફૂલી જશે.

નોંધ: લોટને મસળવું જરૂરી છે, તેનાથી રોટલા સરસ સુંવાળા બને છે અને રોટલા ટીપવા કે ઘડવા સમયે કિનારી ભાંગી જતી નથી.