સૌપ્રથમ રોટલીના નાનાં ટુકડા કરી લેવા.

ત્યારબાદ એક કડાઈમાં બે ચમચી તેલ લઈ ગેસ ઉપર મધ્યમ તાપે ગરમ કરવા મૂકો. તેલ ગરમ થાય એટલે તેમાં રાઈ, જીરૂ, ચપટી હીંગ નાખવી. રાઈ-જીરૂ તતડી જાય એટલે તેમાં લીમડી, આદુ મરચાંની પેસ્ટ નાખી એક સેકન્ડ સાંતળવુ.

પછી તેમાં સમારેલું ટામેટું,હળદર, લાલ મરચું, ધાણાજીરું પાઉડર અને થોડું મીઠું ઉમેરી બરાબર મિક્સ કરવું પછી ઢાંકણ ઢાંકી ટામેટા ને ચડવા દેવું.

ટામેટું ચડી જાય એટલે તેમાં રોટલીના ટુકડા ઉમેરી બરાબર મિક્સ કરવું.

ત્યારબાદ તેમાં છાશ ઉમેરવી. અને સ્વાદ અનુસાર મીઠું તથા 1/2 ચમચી ખાંડ ઉમેરી બરાબર મિક્સ કરી ઢાંકણ ઢાંકી પાંચ મિનિટ ધીમાં ગેસે ચડવા દેવું.

ત્યારબાદ ગેસ બંધ કરી ઢોકળી નીચે ઉતારી લીલા ધાણા થી ગાર્નીશ કરી સર્વ કરવું. તો ખાવા માટે તૈયાર છે ટેસ્ટી ખાટી મીઠી ઢોકળી.