સૌપ્રથમ બાસમતી ચોખાને ધોઈને 1/2 કલાક પલાળી રાખો. પછી તેને મિક્સર જારમાં નાખીને પીસી લો. મિક્સરમાં પિસાતી વખતે થોડું પાણી ઉમેરો જેથી ચોખા એકદમ સરસ રીતે પીસાઈ જાય. હવે દૂધ ગરમ કરવા મૂકી દો.

દૂધ ગરમ થઈ જાય પછી તેમાં મિક્સરમાં પીસેલા બાસમતી ચોખાને ઉમેરો અને ધીમા તાપે સતત હલાવતા રહો. ચોખાનો દાણો પાકી જાય ત્યાં સુધી તેને ધીમા તાપે પકાવો.

હવે તેમાં ખાંડ અને ઇલાયચી નો ભૂકો ઉમેરો અને ધીમા તાપે સતત હલાવતા રહો. ચોખા નીચે તળિયે દાઝી ન જાય કે ચોંટી ન જાય તેનું ધ્યાન રાખવું જેથી તેને ધીમા તાપે સતત હલાવતા રહો.

ચોખાનો દાણો પાકી જાય અને દૂધ એકદમ ઘટ્ટ થઈ એટલે ફીરની બનીને તૈયાર છે. કાજુ બદામ અને પીસ્તા ની કતરણ નાખી સજાવો.

ગુલાબની પાંદડી થી સજાવી પીરસો. ફીરની સ્વાદમાં ખૂબ જ સ્વાદિષ્ટ લાગે છે અને ખીર કરતા એકદમ અલગ જ તેનો સ્વાદ છે.