સૌથી પહેલા ચોખાને 2-3 વાર સારી રીતે ધોઇને 30 મિનિટ માટે પલાળી લેવા. પછી તેને મિક્સર જારમાં થોડાક પાણી સાથે અધકચરા પીસી લેવા. આમ કરવાથી ચોખા દૂધમાં એકરસ ભળશે અને જલ્દીથી ચડશે. જો ફિરની બનાવવી હોય તો એકદમ સ્મૂધ પેસ્ટ વાટવી. હવે એક તપેલીમાં દૂધ ગરમ મૂકવું અને ઊભરો આવે એટલે પીસેલા ચોખા ઉમેરવા. હલાવતા રહેવું.

10-15 મિનિટ માટે મિડિયમ તાપે દૂધ ઉકળવા દેવું અને હલાવતા રહેવું. જ્યારે દૂધ જાડું થવા લાગે ત્યારે તેમાં ખાંડ ઉમેરવી. ફરી 5-10 મિનિટ માટે ઉકળવા દેવું. તે દરમિયાન કાજુ બદામના ટુકડા કરી લેવા. દૂધ બરાબર જાડું થાય અને ચોખા સરસ ચડી જાય પછી તેમાં ઇલાયચી પાઉડર અને કાજુ બદામના ટુકડા ઉમેરવા. અને ગેસ બંધ કરી ઠંડુ થવા દેવું.

સૂકો મેવો છેલ્લે ઉમેરવાથી વધારે પડતો ચડી નહીં જાય અને સરસ ક્રન્ચીનેસ ઉમેરાશે. બનેલી ખીર રુમ ટેમ્પરેચર પર આવે પછી તેમાં રોઝ સીરપ કે શરબત અને ગુલકંદ ઉમેરી સરસ મિક્સ કરી લેવું.

પછી તૈયાર થયેલી ગુલકંદ ખીરને ફ્રીઝમાં એકાદ કલાક સારી રીતે ઠંડી કરવી. પછી સર્વિંગ બાઉલમાં કે ગ્લાસમાં કાઢી ગુલાબની પાંદડી અને પિસ્તા પાઉડર થી સજાવી સર્વ કરવી. ચોખા અને દૂધ સાથે ગુલકંદનો સ્વાદ અમેઝીંગ લાગે છે👌👌....