સૌ પ્રથમ ખજૂર અને અંજીરને સાફ કરી ઝીણા સમારી લો અને બધા સુકામેવાને મિકસર જારમાં અધકચરા ક્રશ કરી લો.

હવે, એક કડાઈમાં ઘી ગરમ કરી સૂકામેવાને ૫ મિનીટ માટે સાંતળી બાઉલમાં કાઢી લઇ બાકી રહેલ ઘીમાં ખજૂર અને અંજીર ઉમેરી મિક્સ કરી ઢાંકીને ૫ મિનીટ માટે ગરમ થવા દો.

૫-૭ મિનીટ બાદ મિશ્રણ સોફ્ટ થઈ જાય ત્યાંસુધી તેને સતત હલાવતાં રહો. પછી, તેમાં સૂકામેવા, ઈલાયચી પાઉડર, સુંઠ પાવડર નાખી મિક્સ કરી લો.

હવે, ગેસ બંધ કરી મિશ્રણ થોડું ઠંડું થયા બાદ હાર્ટ શેપ નાં બીબા વડે મિશ્રણમાંથી હાર્ટ શેપ બનાવી તેની કિનારીના ભાગને કોપરાનાં છીણમાં બોળી લો. આવી રીતે વારાફરથી બધા મિશ્રણમાંથી ખજૂરપાક તૈયાર કરી લો.

તો તૈયાર છે હેલ્ધી ખજૂરપાક.