એક કડાઈ માં તળવા માટે તેલ ગરમ કરવા મૂકો. રીંગણ ને ધોઈને કોરા કરી દાંડી નો થોડો ભાગ કાપી, ઉપર ના ભાગમાં વચમાં થી ચિરી લો. હવે ગરમ તેલ માં મધ્યમ તાપે રીંગણ થોડા કડક રહે એ પ્રમાણે તળી લો.

મસાલા ની બધી સામગ્રી મિક્સી ના જાર માં લઇ અધકચરું વાટી લો.થોડો મસાલો તળેલા રીંગણ ઉપર ભભરાવો. બાકી નો મસાલો સાઇડ ઉપર રાખો.

હવે કડાઈ માં ૨ મોટી ચમચી જેટલું તેલ રાખી બાકીનું તેલ કાઢી લો. હવે તેલ માં સૂકા લાલ મરચા, તજ અને ચક્રી ફૂલ ઉમેરી થોડું સાંતળી લો. હવે રાઈ, જીરૂ, તલ અને વરિયાળી ઉમેરો.

હવે આદુ મરચા વાટેલા ઉમેરી થોડી વાર સાંતળી લો. હવે ટામેટા ઉમેરો. હવે ૧ નાની ચમચી કાશ્મીરી લાલ મરચું ઉમેરી ટામેટા નરમ થાય ત્યાં સુધી સાંતળો.

હવે સાઇડ માં રાખેલો વાટેલો મસાલો ઉમેરી બરાબર મિક્સ કરી લો. હવે ત્રણ કપ પાણી ઉમેરો. પાણી ઉકળે ત્યાર બાદ રીંગણ ઉમેરો.

હવે મીઠું, સાકર, ગરમ મસાલો ઉમેરી ધીમા તાપે ૫ મિનિટ ઉકળવા દો. હવે ગેસ બંધ કરી લીંબુ નો રસ અને કોથમીર ઉમેરી બરાબર મિક્સ કરી લો.

ભરેલા રીંગણ નું શાક તૈયાર છે. સર્વ કરો.