તુવર ના તાજાં લીલા દાણા માં ૨ વાટકી પાણી,મીઠું ઉમેરી ને બાફી લો,ઠંડા કરવા રાખી લો.

હવે,પેન માં તેલ ગરમ કરી તેમાં હીંગ અને લીલું લસણ ઉમેરી ને સરસ સાંતળો, પછી તેમાં લીલી ડુંગળી ના જીણા કટકાં ઉમેરી ને સાંતળો,તેલ છુટું પડે, ડુંગળી નરમ પડે અને રંગ બદલાય એટલે તેમાં ૨નંગ જીણા સુધારેલા લીલાં ટામેટાં ના કટકા ઉમેરી ને ભેળવી લો ને નરમ પડે ત્યાં સુધી પકવો,પછી તેમાં ટામેટાં, ડુંગળી અને લસણ ના ભાગ નું મીઠું ઉમેરી ને સરસ ભેળવી લો.

પેન માં તેલ છુટું પડે એટલે બાફેલા તુવર ના દાણા,આદુ-મરચાં ખાડેલાં,હળદર, લાલ મરચું, ધાણાજીરુ ઉમેરી ને સરસ ભેળવી લો, એકાદ મિનિટ માટે સાંતળો પછી એમાં પહેલા ૧\૨ વાટકી ગરમ પાણી ઉમેરી ને હલાવી લો ને પછી પાછું ૧\૨ વાટકી ગરમ પાણી ઉમેરી ને હલાવી લો ને ખદખદાવી લેવું.

પછી તેમાં ૧\૪ ચમચી ગરમ મસાલો અને કાપેલી કોથમીર ઉમેરી ને સરસ ભેળવી લો.