સૌપ્રથમ બાઉલમાં ૨ કપ છાસ લઈ તેમાં સ્વાદ મુજબ મીઠું, લાલ મરચું અને ૧.૫ ચમચી બાજરી નો લોટ ઉમેરી ને સરસ મિક્ષ કરી લો.

હવે,જાડા તળિયા વાળી તપેલી માં ૧ ચમચો તેલ અને ૧\૨ ચમચો ઘી ઉમેરી ગરમ કરો,તેમાં ૧\૨ ચમચી જીરું, ૧\૨ ચમચી અજમો ઉમેરી દો, સરસ તતડે એટલે હીંગ,જીણા કાપેલાં લીલાં મરચાં અને લસણ ને ઉમેરી ને ૧ મિનિટ માટે સાંતળો.

હવે,છાસવાળા બાઉલમાં થોડો પાપડખાર ઉમેરી, હલાવી લો અને પછી તૈયાર કરેલ તપેલી ના વઘાર માં ઉમેરો,પછી ૧\૨ કપ જેટલું પાણી ઉમેરી ને હલાવી લો ને ઉકળવા દો.

છાસ - પાણી બરાબર ઉકળે એટલે તેમાં બાજરી નો લોટ ધીમે ધીમે ઉમેરવો ને વેલણ ના એક છેડે થી સરસ હલાવવું જેથી ગાંઠી ન પડે.

બાજરી નો લોટ છાસ માં બરાબર ભળી જાય એટલે ઢાંકણ ઢાંકી ને ૭ મિનિટ માટે ધીમી આંચ પર રાખી ને થવા દો.

૭ મિનિટ પછી બાજરી નો લોટ ને ચકાસી જુઓ,બફાઈ ગયો હશે.

હવે,વાટકી માં ઘી ઉમેરી તેમાં મેથીયો મસાલો ઉમેરી મિક્ષ કરી લો.

પછી મોટા બાઉલમાં ઘી લગાવી તેમાં ગરમાગરમ ખીચા ને ઉમેરી ને સરસ થપથપાવી દો,પછી ડીશ માં હળવેકથી બાઉલ ને ઉંધો કરો ને ઉપરથી ગરમ ઘી/તલ નું તેલ ઉમેરી ને ઘી - મેથિયા મસાલા સાથે સર્વે કરો.મેં લસણની ચટણી સાથે સર્વ કર્યું છે....તલ નું તેલ ખીચાં માં ઉમેરી ને ખાવ...ખરેખર બહું જ ભાવેશ.

નોંધ :
લીલું લસણ પણ સરસ લાગે છે.
કસૂરી મેથી અને કોથમીર ખીચું થઈ જાય પછી ઉમેરી ને સરસ ભેળવી ને ઢાંકણ ઢાંકી ૧૦ સેકન્ડ રાખી પછી પીરસવું.
લસણ ની ચટણી સાથે પણ સરસ લાગશે.મેં કસૂરી મેથી અને કોથમીર નથી ઉમેરયાં.