કડાઈમાં 1/4 કપ ઘી ગરમ કરી થોડો થોડો કરીને ગુંદર શેકી લેવો. પછી એક બાઉલમાં કાઢી ઠંડુ થવા દો.પછી તેના પર વાટકી મૂકી ક્રશ કરવો. ખજૂરમાંથી ઠળિયા કાઢી મિક્સર માં ક્રશ કરી લો.

હવે કડાઈમાં ઘી લઈ ઘી ગરમ થાય એટલે તેમાં ઘઉં નો લોટ નાખી ધીમા તાપે શેકી લો. ગોલ્ડન બ્રાઉન થવા દો. હવે તેમાં મગજતરી ના બી,સુઠ પાઉડર, ગંથોડા પાઉડર,છીણેલું સુકુ કોપરું, બદામનો પાઉડર,ક્રશ કરેલું ખજૂર અને ક્રશ કરેલો ગુંદર નાખી મિક્સ કરી હલાવી દો. હવે તેને મોટા વાસણમાં કાઢી લો.

હવે બીજી કડાઈમાં એક ચમચી ઘી મૂકી તેમાં ગોળ નાખી દો. ગોળને બરાબર મેલ્ટ થવા દો. પછી તેમાં ઘઉંનો લોટ ધીમે ધીમે નાખતા જવું અને મિક્સ કરતા જવું. ગેસ બંધ કરો.

હવે ઘી થી ગ્રીસ કરેલી થાળીમાં બધું મિશ્રણ નાખી તેમાં પાથરી દો.ઉપરથી બદામ પિસ્તાનો ભૂકો નાખો. ઠંડુ થાય પછી તેના ચપ્પુ વડે કાપા કરી લેવા.