થોડું ઘી ને ગરમ કરી તેમાં થોડો થોડો કરીને ગુંદર તળી લેવો. તેને ઠંડું થવા દો. પછી તેના પર વાટકી મૂકી ક્રશ કરવું.

ત્યાર બાદ એ જ લોયામાં બાકી નું ઘી લઇ ઘઉંના લોટને ગોલ્ડન બ્રાઉન શેકી લેવો.

હવે તેમાં કાટલું, મગજતરીના બી, સૂંઠ પાઉડર, ખસખસ, કોકોનટ છીણ, કાજૂ-બદામનો પાઉડર અને ગંઠોળા પાઉડર નાખી મિક્સ કરી લેવું.

ગોળને જીણો સમારી થોડો-થોડો કરી મિક્સ કરતા જવું. ગોળ પૂરો ઓગળે ત્યાં સુધી હલાવવું.

હવે એક થાળીને ઘી વડે ગ્રીસ કરી, બધું મિશ્રણ તેમાં પાથરી દેવું. ઉપર થી કાજૂ-બદામની કતરણ નાખી દો. થોડી વાર ઠંડું થવા દેવું. પછી ચપ્પુ વડે કાપા કરી લેવા.

તો તૈયાર છે કાટલું પાક. ડબ્બામાં ભરી સ્ટોર કરી લો.