ઉકળતા પાણીમાં પાલકના પાન નાખી તેને બે મિનિટ માટે ઉકળવા દેવાના છે. ત્યારબાદ આ પાનને ઠંડા પાણીમાં નાખી ઠંડુ પડવા દેવાનું છે.

હવે આ પાલકને મિક્સર ની જારમાં લઈ તેમાં ફુદીનાના પાન અને આદુનો ટુકડો ઉમેરી તેને ક્રશ કરી તેની પ્યુરી બનાવવાની છે.

એક કડાઈમાં બટર ગરમ મૂકી તેમાં ઘઉંનો લોટ ઉમેરી તેને શેકવાનો છે ત્યારબાદ તેમાં દૂધ ઉમેરી ગાંઠા ન પડે તે રીતે મિક્સ કરવાનું છે.

ત્યારબાદ તેમાં મીઠું, તમાલપત્ર, મરીનો પાઉડર અને ખાંડ ઉમેરી થોડું થીક થાય ત્યાં સુધી ઉકાળવાનું છે.

હવે તેમાં તૈયાર કરેલી પાલકની પ્યુરી ઉમેરી બરાબર રીતે મિક્સ કરી બે ત્રણ મિનિટ માટે કુક થવા દેવાનું છે. ત્યારબાદ તેમાં એક ચમચી જેટલું ફ્રેશ ક્રીમ ઉમેરી બરાબર રીતે મિક્સ કરી લેવાનું છે.