એક બાઉલમાં ટોમેટો ના મોટા ટુકડા લેવાના છે. તેમાં ગાજર અને બીટના ટુકડા પણ ઉમેરી દેવાના છે. લીલા મરચાના બે ટુકડા કરી તે પણ તેમાં ઉમેરી દેવાનું છે. આ બધુ કુકરમાં બાફી લેવાનું છે.

કુકરમાં બરાબર રીતે બફાઈ જાય એટલે તેને સાવ ઠંડું પડી જવા દેવાનું છે અને ત્યારબાદ તેને મિક્સરની જારમાં લઈ ક્રશ કરી સાઈડ પર રાખી દેવાનું છે.

એક કડાઈમાં ઘી ગરમ મૂકી તેમાં તજ, લવિંગ, તમાલપત્ર, જીરું, મરી અને લીલો લીમડો સોતળવાના છે.

ત્યારબાદ તેમાં ક્રશ કરીને તૈયાર કરેલી ટમેટાની પ્યુરી ઉમેરવાની છે. તેમાં ખાંડ, લાલ મરચું પાઉડર અને સ્વાદ અનુસાર મીઠું ઉમેરવાનું છે અને બધું બરાબર રીતે મિક્સ કરી ઉકળવા દેવાનું છે.

એક વાટકીમાં કોર્ન ફ્લોર લઈ તેમાં થોડું પાણી ઉમેરી તેની સ્લરી બનાવવાની છે અને આ સ્લરીને થોડી થોડી કરીને ટોમેટો સૂપ માં ઉમેરતાં જવાની છે અને સતત હલાવવાનું છે. બે મિનિટ માટે સૂપને ઉકાળી ગેસ ઓફ કરી દેવાનો છે.