1 કડાઈ માં તેલ ગરમ મૂકી લસણ અને ડુંગળી થોડા બ્રાઉન થાય ત્યાં સુધી સાંતળો.

તેમાં આદુ, મરચા અને ટામેટા ઉમેરો. ટામેટા નરમ થાય ત્યાં સુધી સાંતળો.

હવે તેમાં મગજતરી ના બી અને કાજુ ઉમેરો. તેમાં થોડું પાણી ઉમેરો અને જરા પાણી ઉકળે એટલે ગેસ બંધ કરી મિશ્રણ ઠંડુ પાડવા દો. ત્યાર બાદ મિક્સર માં બરાબર ક્રશ કરો.

હવે 1 કડાઈ માં 2 ચમચી તેલ અને 1 ચમચી બટર ઉમરો અને ગરમ કરો.

તેમાં બધા ખડા મસાલા નો વઘાર કરી તૈયાર ગ્રેવી ઉમેરો. તેમા બધા મસાલા ઉમેરો અને જરૂર મુજબ પાણી ઉમરો અને ઉકળવા દો.

ત્યાં સુધી પનીર ના ટુકડા કરી ડીપ ફ્રાય કે શેલો ફ્રાય કરી લો.

હવે ગ્રેવી માં બાકી નું બટર, ક્રીમ અને કસૂરી મેથી ઉમેરો અને મિક્સ કરો. ત્યાર બાદ તેમાં પનીર ના ટુકડા ઉમરો અને મિક્સ કરી 3 થી 5 મિનિટ ઉકળવા દો.

કોલસા ને ગરમ કરી 1 વાટકી માં લો. તેમાં લવિંગ મૂકો.

હવે તે વાટકી ને શાક વચ્ચે કડાઈ માં બરાબર ગોઠવી દો. તેમાં તેલ અને પાણી ઉમરો અને ધૂંગાર આપો. સ્મોક આવે એટલે તરત 5 મિનિટ માટે ઢાંકી દો.

તો આપણું રેસ્ટોરન્ટ જેવું જ પનીર અંગારા તૈયાર છે.