સૌપ્રથમ તુવરદાળ, મગ ની પીળી દાળ અને અડદ દાળ ને પાણી થી ત્રણેક વાર ધોઈ લો ને ૧\૨ કલાક માટે પાણી માં પલાળીને રાખો.
કુકરમાં બે કપ પાણી ઉમેરી ને ગરમ કરવાં રાખો,પાણી ગરમ થાય એટલે તેમાં ધોયેલી અને 1/2કલાક પલાળીને રાખેલ દાળ અને 1/2 ચમચી શુધ્ધ ઘી ઉમેરી ને હલાવી ને ઢાંકણ ઢાંકી ને ૨ સીટી બોલાવી લો.

કુકરમાં થી પ્રેશર નીકળી જાય પછી ઢાંકણ ખોલી ને દાળ માં ૨ કપ પાણી ઉમેરી હલાવી લો ને પછી તેમાં મીઠું, હળદર ઉમેરી ને હલાવી લો ને ત્રણેક મિનિટ માટે ધીમી આંચ પર રાખી દાળ ને થવા દો.

પછી દાળ માં મરી પાઉડર, ગરમ મસાલો અને હીંગ ઉમેરી ને સરસ હલાવી ને ૧ મિનિટ પછી તેમાં છીણેલ આદુ,ગોળ અને લીંબુ નો રસ ઉમેરી ને બધું જ સરસ હલાવી લો અને દાળ માં ૧ કપ આસપાસ પાણી ઉમેરી, હલાવી ને ઢાંકણ ઢાંકી ને સરસ ઉકળવા દો.(ત્રણેક મિનિટ)

દાળ સરસ ઉકળી જાય પછી,વઘારિયા માં ૧ ચમચી ઘી ગરમ કરી મેથી દાણા અને રાઈ ઉમેરો, તતડે એટલે આ સરસ તૈયાર કરેલ વઘાર ને દાળ માં ઉમેરી ને એકાદ - બે મિનિટ ઉકાળો....

તૈયાર છે શ્રી ઠાકોરજી ને ધરવા માટે ત્રેવટી દાળ સાથે ભાત ને અર્પણ કરી ને પ્રસાદ ગ્રહણ કરવાનો.

હવેલી માં ડોલોત્સવ નાં ચોથા ખેલ સમયે કે દ્વિતિય દિવસે રાજભોગ સમયે સખડી ભોગ માં આ ત્રેવટી દાળ બનાવી ને ભાત સાથે શ્રી હરિ....શ્રી ઠાકોરજી ને અર્પણ કરી ને પ્રસાદ ભકતો ગ્રહણ કરે છે.