સૌપ્રથમ બધી જ દાળ ને ધોઈ ને પાણી માં ૩૦ મિનિટ પલાળીને રાખો.
કોથમીર, લીમડા નાં પાન,આદુ-મરચાં ને ધોઈ ને જીણા સમારીને રાખો.
ડુંગળી ને જીણી સમારી રાખો.
લાલ ટામેટાં ને ધોઈ,લૂછી ને કાપી મિક્ષચર માં લીમડા સાથે ક્રશ કરી લો પછી નાના બાઉલમાં કાઢી લો.

કઢાઈ માં ઘી સહેજ ગરમ કરી તેમાં હીંગ, જીરું ઉમેરી ને સાંતળો પછી તેમાં સમારેલી ડુંગળી ઉમેરી ને સહેજ સાંતળો,જીણાં સમારેલા આદુ-મરચાં ઉમેરી ને સરસ સાંતળો પછી તેમાં ટામેટાં મીઠા લીમડાનાં પાન ને કર્શ કરી ને રાખેલ ઈ ઉમેરી હલાવો,૧/૨ ચમચી મીઠું ઉમેરી ને હલાવી લો,તેલ છૂટું એટલે તેમાં ૧/૪ ચમચી હળદર, ૧/૨ ચમચી લાલ મરચું, ધાણાજીરુ અને ગરમ મસાલો ઉમેરી ને સરસ ભેળવી લો ૧/૨ મિનિટ સાંતળો ને પછી તેમાં દાળ ઉમેરી ને બધું જ સરસ ઉકળવા દો.

હવે,વઘારિયા માં ૧ ચમચી ઘી\તેલ ગરમ કરી,૧ નંગ ઉભી ચીરી કરી ને લીલાં મરચાં,૧ નંગ સુકું લાલ મરચું અને સહેજ (ચપટી) કાશ્મીરી લાલ મરચું ઉમેરી સરસ હલાવી ને તૈયાર વઘાર ને દાળ માં ઉમેરી,હલાવી ને ૧ મિનિટ પછી ગેસ બંધ કરી દો ને લીંબુ નો રસ અને કોથમીર ઉમેરી ને દાળ ને હલાવી દો,ને કોથમીર ના પાનથી શણગારી ને સર્વ કરો.

મેં તૈયાર પંચમેલ દાળ ને પરાઠા,ભાત અને બીટ,ડુંગળી અને ટામેટાં ના સલાડ સાથે પીરસી છે.