સૌ પ્રથમ તુવેર વઘારવા માટે કૂકરમાં તેલ લઈ તેમાં અજમો અને હીંગનો વઘાર કરી, તુવેર ઉમેરી, તેમાં હળદર અને મીઠું તથા પાણી ઉમેરી ૩-૪ સિટી વગાડી બાફી લો.

હવે મુઠીયા બનાવવા માટેની સામગ્રી ભેગી કરી, લોટ બાંધી તેમાંથી નાના નાના ગોળ મુઠીયા વાળી તેને તેલમાં ગુલાબી એવા તળી લો.

હવે વઘાર માટે મુઠીયા તળેલું જ તેલ લઈ, તેમાં અજમો, હિંગનો વઘાર કરી,આદુ લસણ મરચાની પેસ્ટ સાંતળો. ત્યારબાદ તેમાં મેથી ઉમેરી ૨ મિનિટ માટે સાંતળો.

હવે તેમાં ટામેટાની પ્યુરી ઉમેરી, બધા સૂકા મસાલા તથા ખાંડ ઉમેરી, તેલ છૂટું પડે ત્યાં સુધી ઉકાળો.

હવે તેમાં બનાવેલા મુઠીયા ઉમેરી, જરૂર લાગે તો થોડું બીજું પાણી ઉમેરી, ઢાંકીને ફરી ૫-૧૦ મિનિટ માટે ઉકાળો જેથી મુઠીયા પોચા થશે. હવે તેને બાઉલમાં કાઢી ઉપરથી કોથમીરથી સજાવી રોટલી સાથે સર્વ કરો.

તો તૈયાર છે દાણા મુઠીયાનું શાક.