હવે આમાં નમક, જીરું, હિંગ, હળદર પાઉડર, લાલ મરચું પાવડર, ધાણા જીરું પાઉડર, સફેદ તલ, કસૂરી મેથી, તેલ અને ઘી ઉમેરી બધું બરાબર હાથેથી મિક્સ કરી લો.

હવે બધું મિક્સ કરી લોટને મુઠ્ઠી માં બાંધીને જોવાનો છે. મુઠીયા પડતું મોણ લોટમાં હોવું જરૂરી છે. ત્યાર બાદ જરૂરી મુજબ થોડું પાણી ઉમેરી કઠણ લોટ બાંધી લો.

ત્યારબાદ ફરીથી 1 મિનિટ માટે લોટ ને હાથેથી કુણવી તેના એકસરખા લુઆ બનાવી થોડી જાડી ભાખરી વણી વચ્ચે ચાકુ થી કે ફોર્ક સ્પૂન થી કાપા પાડી લો.

હવે લોઢી ને ગરમ કરી તેમાં ઘી મૂકી ભાખરી ને બંને બાજુથી ઘી લગાવીને ધીમી ગેસ ની આંચ પર શેકી લેવાની છે. શેકતી વખતે ભાખરી ને ડટ્ટાથી થોડું દબાવતા જવાનું છે અને બધી બાજુથી બરાબર રીતે શેકી લેવાની છે. જેથી આપણી ક્રિસ્પી મેથી મસાલા ભાખરી તૈયાર થઈ જશે.

આ રીતે બધી જ બિસ્કીટ ભાખરી ને શેકી ને તૈયાર કરી લો.

આ મેથી મસાલા બિસ્કીટ ભાખરી ને ચા, કોફી, મસાલા દહીં, આચાર મસાલા, અથાણાં કે દહીં તીખારી સાથે સર્વ કરો. આ બિસ્કીટ ભાખરી ને 2 થી 3 દિવસ માટે બહાર જ એર ટાઇટ ડબ્બા માં સ્ટોર કરી સકાય છે.