સૌપ્રથમ શક્કરિયા ને ધોઈ અને બાફી લેવા બફાઈ ગયા બાદ ખમણી લેવા.

એક કડાઈમાં મા ઘી ગરમ કરવા મૂકવું ઘી ગરમ થાય એટલે તેમાં ગ્રેટ કરેલા શક્કરિયા ઉમેરી દેવા

શક્કરિયા ને ઘીમાં ધીમા તાપે શેકવા. વચ્ચે વચ્ચે હલાવતા રહેવું.અને ૪/૫ મીનીટ સુધી શેકવા.

દૂધ ને ગરમ કરી લેવું.ગરમ કરેલું દૂધ મિશ્રણ માં નાખી દેવું અને સતત હલાવતા રહેવું જેથી દૂધ શક્કરિયા માં સરસ રીતે મિક્સ થઈ જાય. ૨/૩ મીનીટ હલાવવું.

ત્યારબાદ તેમાં ખાંડ ઉમેરવી અને મિક્સ કરી લેવું. ખાંડ ને સરસ રીતે મિક્સ કરી લેવી ૨/૩ મીનીટ સુધી હલાવતા રહેવું.

અને છેલ્લે તેમાં ઇલાયચી જાયફળ કેસર નાખીને મિક્સ કરી લેવું અને કાજુ બદામ પિસ્તા નો ભૂક્કો નાખી ને મિક્સ કરી લો. તો તૈયાર છે શક્કરિયા નો શીરો.