સૌપ્રથમ વટાણા ને બાફી લેવા ફ્લાવર ને પણ ગરમ પાણી મા ૨ મીનીટ સુધી નાખી દેવી..

એક પેનમાં બે ચમચી તેલ ગરમ કરવા મૂકવું પછી તેમાં ફણસી ગાજર નાખી ૨/૩ મીનીટ સુધી સાંતળી લેવા.ત્યારબાદ તેમાં ફ્લાવર અને વટાણા નાખી બે મિનિટ માટે સાંતળો.પછી ઢાંકણ ઢાંકી ને ૩ મીનીટ સુધી ચડવા દેવા

ત્યારબાદ તેમાં કેપ્સીકમ નાખી અને ૨/૩ મીનીટ સુધી સાંતળવું પછી એક પ્લેટમાં કાઢી લેવું.પનીર ના નાના ટુકડા કરી લેવા અને તેલ મૂકી તળી લેવું તળેલા પનીર ને બાઉલમાં પાણી અને 1/2ટી સ્પૂન મીઠું નાખી તેમાં રાખી દેવું જેથી પનીર સોફ્ટ રહેશે.

ટામેટાં ને કાપી લેવા વઘાર માટે ની બધી સામગ્રી તૈયાર કરી લેવી.એક પેનમાં તેલ ગરમ કરવા મૂકવું તેમાં તજ લવિંગ મરી તમાલપત્ર નાખી ડુંગળી નાખી દેવી.ડુંગળી ને બે મીનીટ સુધી સાંતળી લો પછી તેમાં લસણ ની કળી નાખી દેવી અને બે મીનીટ સુધી સાંતળી લેવું ત્યારબાદ તેમાં સૂકા લાલ મરચાં નાખવા

તેમાં કાજુ ઉમેરવા અને એક મીનીટ સુધી સાંતળી લેવા પછી તેમાં કાપેલા ટામેટા નાખવા અને 1/2 ટી સ્પૂન મીઠું નાખવું ટામેટાં સોફ્ટ થાય ત્યાં સુધી તેલમાં સાંતળી લેવા પછી ઠંડુ થવા દેવું.. મિક્સર જાર માં પેસ્ટ કરી લો.

ફરી એક પેનમાં ૩/૪ ચમચી તેલ ગરમ કરવા મૂકવું તેમાં પહેલા હીંગ નાખી પછી તેમાં કાશ્મીરી લાલ મરચું પાઉડર અને ૧/૪ ટી સ્પૂન હળદર નાખી દેવી.પછી તેમાં તૈયાર કરેલી પેસ્ટ નાખી દેવી અને હલાવવું ૨/૩ મીનીટ સુધી સાંતળવું પછી તેમાં 1/2 કપ ગરમ પાણી નાખવું

એક ચમચી આદુ મરચા ની પેસ્ટ ઉમેરવી એક ચમચી કિચન કિંગ મસાલો અને એક ચમચી ગરમ મસાલો નાખીને મિક્સ કરી લેવું.ત્યારબાદ તેમાં એક ચમચી મીઠું નાખવું. અને ગ્રેવી માં તેલ છૂટું પડે ત્યાં સુધી ઉકળવા દેવી.

પછી તેમાં તૈયાર કરેલા શાકભાજી નાખી દેવા અને મિક્સ કરી લેવું ત્યારબાદ તેમાં પનીર ને પાણીમાંથી નીતારીને નાખી દેવું અને સરસ રીતે મિક્સ કરી લેવું..છેલ્લે તેમાં એક ચમચી કસૂરી મેથી હાથેથી મસળી ને નાખી ને મિક્સ કરી લેવું બે ત્રણ મીનીટ સુધી થવા દેવું..

તો તૈયાર છે ગરમા ગરમ વેજ. કોલ્હાપુરી. પરાઠા, રોટી કે તંદૂરી રોટી સાથે સર્વ કરો.