સૌ પ્રથમ મંચુરિયન માટે બધા શાકભાજી સમારી તેને ચોપરમાં બારીક ચોપ કરી તેમાં મીઠું ઉમેરી મિક્સ કરી ૧૦ મિનિટ માટે રાખો ત્યારબાદ તેમાંથી બધું પાણી નિતારી તેમાં સોયા સોસ, ચીલી સોસ, મીઠું, મરી પાઉડર, મેંદો તથા કોર્નફ્લોર ઉમેરી બરાબર મિક્સ કરી નાના ગોળા વાળી તેને ગરમ તેલમાં તળી લો.

હવે ગ્રેવી માટે તેલ મૂકી તેમાં સમારેલ લસણ, આદુ ઉમેરી સાંતળો ત્યારબાદ તેમાં સમારેલી ડુંગળી ઉમેરી સાંતળો હવે બાકીના શાકભાજી ઉમેરી સાંતળો પછી તેમાં બાકીના સોસ, વિનેગર, મીઠું અને મરી પાઉડર ઉમેરી ઉકાળો પછી તેમાં તૈયાર કરેલ મંચુરિયન ઉમેરી ૨ મિનિટ માટે ઉકાળી લો.

હવે ફ્રાઈડ રાઈસ માટે ચોખાને ૧૦ મિનિટ માટે પલાળી તેને પાણીમાં છુટા બાફી બાકીનું પાણી નિતારી લો. હવે શાકભાજીને બારીક સમારી લો. હવે તેલ મૂકી તેમાં આદુ -લસણ-મરચા સાંતળો પછી તેમાં બાકીના શાકભાજી ઉમેરી તેમાં બાફેલા ભાત ઉમેરી બાકીના સોસ અને મસાલા ઉમેરી મિક્સ કરી તૈયાર કરી લો.

હવે એક પ્લેટમાં ફ્રાઈડ રાઈસ મૂકી તેના પર ગ્રેવી મંચુરિયન મૂકી તેને બાફેલા શીંગદાણા સાથે સર્વ કરો.