સૌ પ્રથમ ખારેક અને ગાજર ને કેરીના ખાટા પાણી માં એક રાત રાખી બીજા દિવસે સવારે પાણી નીતારી કપડાં પર પંખા નીચે સુકવી દો.

કેરીની છાલ ઉતારી કટકા કરી તેમાં હળદર, મીઠું નાખી મીક્સ કરી ૧ કલાક રહેવા દો.બાદ પાણી નીચોવી ખાંડ નાખી થોડી વાર હલાવો જેથી ખાંડ ઓગળી જાય એટલે તેમાં ખારેક, ગાજર ઉમેરી મીક્સ કરી એક રાત ઢાંકી દો, બીજા દિવસે સવારે ફરી એકવાર હલાવી લો અને જો બધી જ ખાંડ ઓગળી ગઈ હોય તો આ વાસણ ઉપર સફેદ કોટન નું કપડું બાંધી તડકામાં 4 થી 5 દિવસ રાખવું, રોજ તડકામાં મુકતાં પહેલાં એક વખત ચમચા થી હલાવી લેવું,સાંજે લઈ લેવું અને હલાવી લેવું 4 - 5 દિવસ પછી ખાંડ ની ચાસણી એકદમ ઘટ્ટ થઈ જશે.