સૌપ્રથમ ત્રણે દાળને ધોઈ અને 1/2 કલાક પલાળી રાખવી તેમજ કારેલાની છાલ ઉતારી સારી રીતે ધોઈને કાપા પાડી મીઠું અને હળદર લગાવીને થોડીવાર રાખવા.

હવે મિક્સર જારમાં લસણ આદુ મરચાં અજમો અને મેથી મસાલો નાખી અધકચરું ક્રશ કરી લેવું

બનાવેલી પેસ્ટ અલગ કાઢી એ જ મિક્સર જારમાં પલાળેલી ચણાની દાળ અધકચરી પીસી લેવી.

હવે કડાઈમાં તેલ ગરમ કરવા મૂકી ગરમ થાય એટલે દાળ નું મિશ્રણ નાખી બે મિનિટ શેકો તેમ મીઠું, હળદર, મરચું,ધાણાજીરું પાઉડર નાખી બે મિનિટ શેકો અને ગેસ બંધ કરી દેવો.

હવે શેકેલ ચણાનો લોટ અને બનાવેલી પેસ્ટ એડ કરી બરાબર મિક્સ કરી તેમાં ગોળ અને આમચૂર પાઉડર અને કોથમીર નાખી બરાબર મિક્સ કરો.સ્ટફિંગ ઠંડું થવા દો.

હવે કારેલાને બે પાણીથી ધોઈ અને હાથેથી નીચોવી લો પછી તેમાં બનાવેલું સ્ટફિંગ ભરો અને સ્ટીમરમા ૧૫ મિનિટ માટે સ્ટીમ કરવા મૂકો.

હવે કડાઈમાં તેલ મૂકી ગરમ થાય એટલે તેમાં રાઈ જીરુ અને હિંગનો વઘાર કરી બાફેલા સ્ટીમ કરેલા કારેલા અને વધેલો સ્ટફિંગ મસાલો નાખી બે મિનિટ શેકો પછી તેમાં ખાંડ નાખી બરાબર મિક્સ કરી ગેસ બંધ કરી કોથમીર નાખો.

તો તૈયાર છે ત્રેવટ દાળ ભરેલા ક્રંચી અને સ્વાદિષ્ટ કારેલા. સર્વિંગ પ્લેટમાં કાઢી કોથમીર સ્પ્રેડ કરી સર્વ કરો.