સૌ પ્રથમ મગ ને ધોઈ ને 6-8 કલાક માટે પલાડી દેવા. પછી તેને પાછા 2-3 વાર ધોઈ ને ચારણી માં નીતારી લેવા. અને પછી તેને 8-10 કલાક ફણગાવા મુકી રાખો.

હવે કુકર માં તેલ ગરમ કરી તેમાં હિંગ અને કાંદા ઉમેરી સાંતળો. પછી તેમાં લસણની પેસ્ટ ઉમેરી સાંતળો.

પછી તેમાં આદુ-મરચાં ની પેસ્ટ ઉમેરી સાંતળો. પછી તેમાં હળદર અને લીમડો ઉમેરી મિક્સ કરી લો.

હવે તેમાં ફણગાવેલા મગ, મીઠું, ધાણાજીરુ અને ગરમ મસાલો ઉમેરી મિક્સ કરી લો. પછી તેમાં ફક્ત 1 સીટી થાય એટલું જ પાણી ઉમેરી કુકર બંધ કરી 1 સીટી વગાડી લેવી.

કુકર ઠંડુ પડે પછી ખોલી તેમાં સમારેલી કોથમીર ઉમેરી મિક્સ કરી લો.