પાણીપુરીનો મસાલો બનાવવા માટે ચણા બટેટાને બાફી લેવા પછી તેમાં લસણની ચટણી, લાલ મરચું, મીઠું,થોડું સંચળ નાખીને મિક્સ કરી લેવું.

પાણી બનાવવા માટે ફુદીનો, કોથમીર આદુ-લસણ મરચાં બધાને મિક્સરમાં થોડું પાણી નાખીને પીસી લેવું. ત્યારબાદ તે પાણીને ગાડી લેવું. પછી તેમાં આમલીનું પાણી નાખીને મિક્સ કરવું. પછી તેમાં થોડું લાલ મરચું,મીઠું, સંચળ નાખી અને મિક્સ કરી લેવું. ત્યારબાદ તેમાં બે ત્રણ ટીપા લીંબુનો રસ ઉમેરી ને પાણીને ફ્રીજમાં ઠંડુ કરવા મૂકી દેવું.

પછી પાણીપુરીની પૂરી લઈ તેમાં ચણા બટાકા નો મસાલો, ડુંગળી થોડું સંચળ અને પાણીપુરી નું પાણી નાખીને પાણીપુરી એન્જોય કરવી. તો તૈયાર છે સ્વાદિષ્ટ પાણીપુરી.