સૌ પ્રથમ જીરું, વરીયાળી, અજમો અને આખા ધાણા ને અધકચરા વાટી લેવા. અને ગટ્ટા માટે ના બધા ઘટકો ની તૈયારી કરી લેવી.

એક બાઉલમાં ગટ્ટા માટે ના ઉપર ના બધા ઘટકો ઉમેરી લોટ બાંધી લો. (પાણી ઉમેરવું નહીં). પછી તેને સહેજ તેલ ઉમેરી કુણવી લેવો.

પછી તેમાં થી ગટ્ટા બનાવી ઉકળતા પાણીમાં બાફી લેવા. (ગટ્ટા ઉપર આવે ત્યાં સુધી).

પછી ગટ્ટા ના પીસ પાડી ગરમ તેલમાં તળી લેવા. (ફાસ્ટ ગેસ ઉપર ૨-૩ મિનિટ)

હવે ગ્રેવી માટે કાંદા ને ચોપર માં ચોપ કરી લેવા. ટામેટાં, લસણ, લીલાં મરચાં અને આદું ને મિક્સર જાર માં ઉમેરી પેસ્ટ બનાવી લેવી. દહીં માં હળદર,‌ લાલ મરચું પાઉડર, ધાણાજીરુ અને કસૂરી મેથી ઉમેરી ને મિક્સ કરી લેવું.

હવે એક કડાઈમાં તેલ ગરમ કરી તેમાં કાંદા ને ગોલ્ડન બ્રાઉન કલર આવે ત્યાં સુધી સાંતળો. પછી તેમાં ટામેટાં વાળી પેસ્ટ અને મીઠું ઉમેરીને તેલ છુટું પડે ત્યાં સુધી સાંતળો.

પછી તેમાં દહીં ની પેસ્ટ ઉમેરી ૫ મિનિટ સાંતળો. પછી તેમાં ગટ્ટા બાફેલું પાણી ઉમેરી ઉકાળો.

પાણી ઉકળે એટલે તેમાં ગટ્ટા ઉમેરી મિક્સ કરી ઢાંકણ ઢાંકી ને ૫-૭ મિનિટ સુધી રાખો.

પછી તેમાં ગરમ મસાલો ઉમેરી ૨ મિનિટ સાંતળી ગેસ બંધ કરીને સમારેલી કોથમીર ઉમેરવી.

તો તૈયાર રાજસ્થાની બેસન ગટ્ટા નું શાક.