સૌ પ્રથમ માવા ને ખમણી ઘી છૂટું પડે ત્યાં સુધી સાંતળી અને અલગ રાખો,તેજ કડાઈ માં થોડુ ઘી મૂકી ડ્રાય ફ્રુટ્સ નાં ટુકડા કરી સાંતળી લો.

હવે મકાઈ નાં દાણા કાઢી ધોઈ વરાળે બાફી લો.તેમાં થોડું દૂધ નાખી મિક્સર માં પેસ્ટ બનાવી લો.અને તેને પ્લાસ્ટિક નાં જારા વડે ચાળી લો જેથી તેમાં રેસા ન રહે.

એક વાસણ માં ઘી મૂકી ઇલાયચી પાઉડર નાખી મકાઈ નાં માવા ને સાંતળી લો,જેનાથી સ્વાદ સરસ આવશે.મકાઈ ની પેસ્ટ ગોલ્ડન બ્રાઉન થાય ત્યાં સુધી સાંતળો.ત્યાર બાદ માવો ઉમેરી મિક્સ કરો અને પછી મિલ્ક પાઉડર એક સાથે ન નાખતા ધીમે ધીમે નાખો.જેથી ગાંઠા ન પડે.હવે મિશ્રણ ધટ્ટ થાય એટલે ખાંડ ઉમેરી હલાવો.

એકદમ ઘટ્ટ થાય એટલે તેમાં થોડું ઘી, ઇલાયચી પાઉડર, અને અડધા ડ્રાય ફ્રુટસ નાખી મિક્સ કરો.આ બધી પ્રોસેસ માં ગેસ મિડીયમ ફ્લેમ પર રાખવો.

હવે ઘી થી ગ્રીસ કરેલી થાળી માં મિશ્રણ ને સેટ કરી લો.ઉપર સાંતળેલા ડ્રાય ફ્રુટસ નાખી ગાર્નીશ કરી દો. રૂમ ટેમ્પરેચરમાં ઠંડી કરી અને કાપા પાડી લો.