કડાઈ માં તેલ મૂકી તેમાં રાઈ હિંગ નાખી અડદ દાલ અને ચણા દાળ નાખવી. લીલા મરચાં, સૂકું લાલ મરચું, ખમણેલું આદુ અને મીઠો લીમડો નાખવો. ત્યારબાદ ડુંગળી નાખી શેકવું.

હવે તેમાં ગાજર અને વટાણા ઉમેરવા. ગાજર વટાણા કુક થઈ જાય એટલે તેમાં સોજી નાખી ધીમા તાપે સરસ શેકવું. એક તપેલી માં પાણી ગરમ કરવું. સોજી નાં માપ થી ડબલ પાણી લેવું.

સોજી નો કલર બદલાય ત્યાં સુધી શેકવું. હવે તેમાં મીઠું નાખી મિક્સ કરી ગરમ પાણી નાખી પાણી બળે ત્યાં સુધી કુક કરવું. જરૂર લાગે તો વધારે પાણી ઉમેરી શકાય. પણ પાણી ગરમ જ ઉમેરવું. ત્યારબાદ તેમાં એક ચમચો દહીં ઉમેરી સરખું મિક્ષ કરો.

તૈયાર છે વેજીટેબલ ઉપમા. કોથમીર નાખી ગરમ ગરમ પીરસો.