અડદની અને મગની દાળને સાતથી આઠ કલાક સુધી પલાળી રાખવી. પલળી જાય પછી તેમાંથી બધું પાણી નિતારી અને તેને મિક્સરમાં બે ચમચી જેટલું પાણી નાખીને પીસી લેવી.

ત્યારબાદ તેને એક જ દિશામાં 15 થી 20 મિનિટ સુધી હલાવવી. જેથી તેમાં હવા ભરાય અને વડા સોફ્ટ અને ક્રિસ્પી થાય.

પછી તેમાં આદુની પેસ્ટ, ઝીણું સમારેલું મરચું, લીમડાના પાન નાના કટકા કરી અને સ્વાદ મુજબ મીઠું ઉમેરીને મિક્સ કરી લેવું.

પછી તેલ ગરમ મૂકવું તેલ ગરમ થાય એટલે તેમાં વડા પાડી અને ગોલ્ડન બ્રાઉન થાય ત્યાં સુધી તળી લેવા. હવે તૈયાર છે અડદની દાળના વડા. તેને નારિયેળની ચટણી સાથે અથવા એકલા પણ ખાઈ શકાય છે ખૂબ જ સ્વાદિષ્ટ લાગે છે.