સૌપ્રથમ પૌવાને ધોઈ અને પાંચ મિનિટ માટે બાઉલમાં પલાળી અને ત્યારબાદ પાણી નિતારી લેવું અને પેપર નેપકીન ઉપર કોરા થવા મૂકી દેવા. હવે એક બાઉલમાં આ પૌંઆ લઈ લો અને તેમાં સામગ્રીમાં અને ફોટામાં દર્શાવ્યા પ્રમાણે તમામ વેજીટેબલ્સ એડ કરો.

હવે તેમાં સામગ્રીમાં બતાવ્યા પ્રમાણે તમામ મસાલા તથા બ્રેડક્રમ્સ એડ કરી બધું જ મિક્સ કરી લો.

હવે આ મિશ્રણમાં કુકી કટરની મદદથી શેપ આપી દો. ત્યારબાદ તેને બંને હથેળીની મદદથી પ્રેસ કરી દો.

હવે આ ટિક્કીઓને કોર્ન ફ્લોરમાં રગદોળી લેવી. એક પેનમાં તેલ ગરમ કરવા મૂકો. તેલ ગરમ થાય એટલે તેમાં સમાય તેટલી ટિક્કી તળવા મૂકો. પહેલા ગેસ ફાસ્ટ રાખો અને પછી સ્લો ફ્લેમ પર તળવી.

ધીમા તાપે તળી ક્રિસ્પી પકોડા બનતા સાત થી આઠ મિનિટ લાગે છે. આ રીતે બધા જ પકોડા રેડી કરી દો. ગરમા ગરમ પકોડા ટોમેટો કેચઅપ સાથે સર્વ કરો.