સૌ પ્રથમ બટાકાને બાફી છોલી અને મેસ કરી લેવા. વટાણા ને બાફી લેવા ગાજરને છીણીને લેવું. અને તેમાંથી પાણી નીતારી લેવું. હવે બટાકામાં વટાણા અને ગાજર ની છીણ મિક્સ કરી લો. તેમાં આદુ મરચાની પેસ્ટ, ઝીણું કટ કરે લીલું લસણ, નાખી મિક્સ કરો. હવે તેમાં મીઠું, ધાણાજીરૂ, ગરમ મસાલો, ચાટ મસાલો, લીંબુનો રસ તથા લીલા ધાણા નાંખી મિક્સ કરો.

હવે મેંદો અને રવો મિક્સ કરો તેમાં ઘી તથા મીઠું નાખો અને પૂરી જેવો લોટ બાંધી ને વીસ મિનિટ માટે ઢાંકીને મૂકી રાખો. ૨૦ મિનિટ બાદ આ લોટમાંથી પૂરી વણવી વચ્ચેથી કટ કરો તેમાં સમોસા નો મસાલો ભરી અને સમોસા તૈયાર કરો. બધા સમોસા તૈયાર થાય એટલે તેને તળી લેવા. સમોસા ને ધીમા તાપે ક્રિસ્પી તળવા. સમોસા ઉપર લાલ મરચા પાઉડર તથા ચાટ મસાલો ટેસ્ટ મુજબ sprinkle કરો.આ સમોસા ગ્રીન ચટણી ટોમેટો કેચપ સાથે ખુબ ટેસ્ટી લાગે છે.