દહીં માં બેસન ઉમેરી બરાબર મિક્સ કરી લો. ૧ લીટર પાણી અને કઢી માટે ની બાકી ની સામગ્રી ઉમેરી કઢી તેજ આંચ પર લગાતાર ચલાવતા ઉકળવા મુકો. કઢી માં એક ઉભરો આવે એટલે ગેસ ધીમો કરી કઢી ને ઉકળવા દો.

બીજી તરફ પકોડા ની બધી સામગ્રી મિક્સ કરી, સોડા અને થોડું પાણી ઉમેરી મિશ્રણ તૈયાર કરો. તેલ ગરમ કરવા મૂકો.

ગરમ તેલ માં તેજ આંચ પર કાચા પાકા પકોડા તળી લો. થોડા ઠંડા થાય એટલે વાટકી થી હળવા હાથે દબાવી, ચપટા કરી, મધ્યમ તાપે ફરીથી બ્રાઉન તળી લો.

હવે ઉકળતી કઢી માં પકોડા ઉમેરો. વઘાર માટે તેલ ગરમ કરવા મૂકો. વઘાર ની સામગ્રી ઉમેરી, બધું બરાબર તતડે એટલે લાલ મરચું અને હિંગ ઉમેરી તરત વઘાર ને કઢી ઉપર રેડી મિક્સ કરી લો. હવે કઢી સર્વ કરો.